Khyrngiat ka VPP yei e ya chi mala ka Meghalaya House cha u Rocky Dhar

Ka Voice of the People Party (VPP) ha ka kyrwoh wa da phah da pynsñiaw ko yei khyrngiat wei sñiawsih yei rai ka chnat GAD(A) ka sorkar Meghalaya wow e ya ka mala Ground Floor ka Commercial Complex, Meghalaya House wa em ha Russell Street, Kolkata cha M/s Rocky Dhar, Nongmynsong, Umkdait Block–III, Shillong-793019 kam chibynta wow kamai kajih.

Ka VPP da ong ko leh wa kani ka mala kani ka yung toh kawa da chong da ki chnat sorkar wa ki Corporation ka sorkar kam ka Tourist Information Centre wa em hapoh ka Directorate of Tourism, Directorate of Horticulture waka Meghalaya Handloom and Handicrafts Development Corporation Ltd waka dukan Government State Emporium.

Waroh kini ki dukan dai tiar ka sorkar kamjooh ki chnat sorkar da booh ha kani ka thaw yow pynku ya ki kaam uiñke suwari, wow dai ya ki mar wa pynmih napoh ka jylla Meghalaya wa kiwi de kiwa hei pyrtuid ka sorkar Meghalaya.

Kamtæ da ong wym sñiawthooh kammon ka sorkar da yarap pathan ko ya ki bru samen yei myntoi samen yong ki heithaw wow leh neibynta i myntoi ki paidbah.

Related posts

Pynkhreh ka BJP Meghalaya ya ka Election 2028 deiwa pynskem ya kiwa kitkaam thymme

June 14, 2025

Kyntait ka Agatha Sangma wow man ka kyrtong MP cha Rajya Sabha

May 29, 2025

Da ong wa kani ka sorkar kawa katni kopsar kawa du neibynta ki kattu katni ymtoh ya ki paidbah kiwa da booh ya ki hei bor.

Chooh chooh da ong wa da sñiawthooh wa hadien wa le sien wa da yaleh yeini, ka sorkar da e ko ya ka Tender cha M/S Rocky Dhar. Hajrong ini ka VPP da ong ko wa ka sorkar hap ko wow pynche wa hajrong kayi ka yurim wa da leh yeini wa ki kyndon wow e cha ki bru samen, ki Businessman næ ki Firm wow chim syndon ki ya waroh kawi ka mala ka Meghalaya House.

Ka kyrwoh na u Dr. Ricky A J Syngkon, General Secretary ka Voice of the People Party.