3rd Division EJHDFA: Jop ka Pynthorsale waka R. Madanpynriang

Ka 3^rd Division ka East Jaiñtia Hills District Football Association (EJHDFA) da pteiñ biang ya ka ynne da le tylli ki yalehke.

Ha ka yalehke wa nyngkong, ka Pynthorsale SC da jop ko yaka Umsatai SC da 1-0 da ka kool wa thap u Rishot Phawa haka minit wa 59.

Ha ka yalehke wa ar, ka R.Madanpynriang SC da jop ko yaka Musniang Rim SC da 6-1.

Ya ka R. Madanpynriang da yoh Hat-Trick u Rimiki Rymbai uwa da thap kool ha ka minit wa 7, 26 wa 38, u Donaldo Dkhar haka minit wa 14 wa 25 wa u Sanhame Bareh haka minit wa 40+1 katwa ya ka Musniang Rim da thap da u Meki Siangshai haka minit wa 59.

Related posts

Jop ka Satpator wa Amjajer Roko ha ka 2nd Division, ka Iaikyntiew Pamtbuh ha ka 1st Division ka ASSA

November 2, 2026

Jop ka Bamkamar ha ka 1st Division, ka Lumphyrnai Sohphoh ha ka Super Division

November 2, 2026

Ka yalehke hapyrdi ka Shymplong SC waka Iapmala Wahshnong SC da kut ko da 1-1.

Ya ka Shymplong da thap kool da u Shiningstar Suchen haka minit wa 29 katwa yaka Iapmala Wahshnong da thap da u Juh Lyngdoh haka minit wa 38.

Ka Pynthorsale SC waka R. Madanpynriang SC da ini i jop da yoh ki wow psiah cha ka 2^nd Round kani ka 3rd Division ka EJHDFA.

Ki yalehke wa bood u pynman ha ka 23 tarik kawa daw sdang da ka Wapung Skur SWO waka Musniang DWKSC heipor 10:00 waje i step, ka Lama Youth SC waka Lakadong USC heipor 12:00 waje pyrdi sngi wei daw pynkut da ka Nongsning Youth SC waka Lakadong USC heipor 2:00 waje i sngi.