Chi em Medical College ha Meghalaya dooh wot ya ka bhah lai puræ Doctor wa e ka sorkar pyrdi: Ampareen

Ka Montri ka chnat i chait i khiah, ka Ampareen Lyngdoh da khuslai ko wa ka Meghalaya ye ko wow dooh ya kamwa palat 90 tylli ki Sponsored Seat namo ka bhah wa da booh ka sorkar pyrdi lada ka jylla em ko da ki yong ka hi ki Medical College.

Da ong ko wa ka jylla Meghalaya toh u sñiawthooh bha ko wa lada ym pu ye wow booh, u sdang ya ki Medical College ymtoh wow pynbna wa da em Medical College neibhah ki 85 hadooh 93 tylli ki Seat wa da yoh dei langær cha baar jylla wa da booh da ka sorkar pyrdi ye i wow dooh noh ki, kamtæ emkaam wow sñiawthooh wow em Medical College du lada man iwa da pynkhreh wei kiwa ye u pynkrehkaam ki.

Da e nongmuna ko kam ya ka Nagaland wa kiwi ki jylla kiwa ini wa dep wa pynbna wa em ki ya ki Medical College wei mar ya pynbna, kiwa chong chnong kini ki jylla dooh wot ki ya ki Sponsored Seat wow lai puræ Doctor wa da booh bhah ka sorkar pyrdi.

Kamtæ da ong ko wa ini mut i leh i jooh wa lada ong wa da em Medical College i tangwa kiwa ym pu ye u pynkrehkaam, ini daw mut i wa kiwa napoh ka jylla Meghalaya dooh wot ki ya ka Quota sorkar pyrdi wei i leh hap ki wow pynbna Medical manda tikna 100% wow ye u pynkrehkaam ki.

Related posts

Wa daw pteiñ i yakhih ka NEHUSU, thoh u Rakkam cha u Education Minister ka ri

November 20, 2024

Chimkti u Wailadmiki Shylla kam u President ka NPYF

November 20, 2024

Heiyatoh wa i chna ya ka Tura Medical College da ong ko wa da ku ka lut phut wei ym em da che bha i rukom ya krehkaam hapyrdi ki chnat wa emktilang wei ini da wanrah ko yei sahkut neibhah ka sorkar da emkaam ko T. 136 klur yow chna ya ka Tura Medical College.

Heiyatoh won waka Shillong Medical College da ong ko wa daw hap pait kammon lada yei u pynemkaam da iwa da em chwa hapoh ka sor wa ki thaw wa em chajan yow man ki kam ki Medical College.

Da ong ko wa ye u pynemkaam lang ya ka Civil Hospital wa ki thaw wa em ha Umsawli deilang waka Ganesh Das, Reid Chest Hospital kiwa da em chwa ki thaw yow pynemkaam ki kam ki thaw puræ.

Kamtæ da ong ko wa dang chimpor wow chna hiwot da ki Medical College wa pura hapoh ka jylla neibhah wa hap wow pynbiang ya chiboon jait wei hap wow yang hadooh wa da biang i por wow ye u leh yeini waroh neibhah lada booh chibhah heiwi chibhah heiwa kam chibynta ka Medical daw man ko iwa chitom bha ya kiwa puræ kamjooh kiwa sikai wow lai ki neiwi cheiwi i thaw.