U Montri Rangbah ka Meghalaya, u Conrad K Sangma da pynche u wei da kyntu u ya kiwa pynbaad wow thooh bniah ki chwa wow kam ki wa da pynemkaam bakla deiwa e kti ya ka Kolkata Meghalaya House cha ki bru samen.
U Conrad da ong ko wa i bynta kani ka mala wa em ha tre (Ground Floor) ka Meghalaya House ha Kolkata toh kawa da ieh khlem da pynemkaam da boon snem. Kamtæ da rai wow e wai deiwa khut Tender yow e cha kiwa ye u thong da kawa heh dooh.
Kam wow kdaw heini wa ka Voice of the People Party (VPP) da pynsñiaw ko yei khyrngiat yei e wai ya kani ka bynta ka Meghalaya cha u Rocky Dhar.
U Conrad da kyntu u ya kiwa pynbaad wow tih bniah bha neibhah kani ka thaw la 15 snem da ieh khlem da pynemkaam nadooh wa dep pynchna wei ini da wanrah ko yei dooh nong wa da ki klur tangka ya ka sorkar jylla.
Da ong u leh wa kani ka thaw toh kawa syad dor wei da toh u khut Tender nadooh nachwa kamtæ da dep yaklam hapoh ka sorkar yeini nadooh u snem 2019.
“Nga leh da dep lai hiar O cha kani ka thaw wei da chem O kani man ko ka Hall kawa thylli, ka Tourism Counter ka wym em pynemkaam bha waka Agriculture Counter ka wym em krehkaam. Deiwa pyrkhat wa em ko ha i thaw wa pyrdi bha ha Kolkata, da man i dooh nong ya ka sorkar lada ym ye wow pynmih poisa na kani ka thaw,” da ong u Conrad.
Kamtæ da ong u wa na kini ki daw da khut smat ya ka Tender wei uwa ye u thong da kawa heh dooh i dor da yoh u wow pynemkaam ya ini i thaw wei ye u wow man uwon uwon. “Lada yoh da u A næ u B ym ye wow ong wei da leh katkam wa khut Tender,” da ong u Conrad.
Puræ leh: Khyrngiat ka VPP yei e ya chi mala ka Meghalaya House cha u Rocky Dhar
Discussion about this post