U Montri ka chnat Food Civil Supplies & Consumer Affairs, u Comingone Ymbon ynne da wai paidbah u ya ka Monitoring Information System on Retail Prices namo ka rukom booddien yei dor ki 22 tylli ki marbaam kam u khoo, ki jhoor, u dai, phñiang baam, atta, moida wa kiwi kiwa pynemkaam man-ka-sngi hapoh jylla ha ka yalang wa pynman ha Main Secretariat Building, Shillong.
Kani man ko kawa nyngkong dooh kam kani wei da leh deiwa ya krehkaam hapyrdi ka chnat Food Civil Supplies & Consumer Affairs ka sorkar Meghalaya waka World Food Programme (WFP) ka United Nations, India.
I stat wow leh leh yeini toh iwa da e da ka World Food Programme (WFP), India heiwa ka chnat ka sorkar jylla daw ye ko wow pynemkaam ya kani yow booh yukheiñ ha ki District man-ka-sngi yei dor kini ki 22 tylli ki mar wei kammon kylla ki na kawi ka sngi cha kawi won ha ki yaaw ki haat.
Kani ka Monitoring Information System daw pynyoo ko yei ku dor, yei hiar dor kamjooh lada ymem ku ymem hiar ha ki District deiwa ye u jied da man-ka-tayaaw wei kamjooh leh man-ka-sngi yow ye u sñiawthooh yei rukom man i dor ha ki yaaw ki haat.
Ini daw yarap ko leh ya ka sorkar wow chim yei rai wa smat lada em i jia wa ku smat i dor ha ki yaaw ki haat yow lait u chah ktah kiwa chong chnong ka jylla wei daw yarap ko wow pyntikna wym em dai sy’at ya ki marbaam.
Da ya emlang ha kani ka sngi waka Country Director ka WFP ha India, ka Elisabeth Faure wa u Director, Food Civil Supplies & Consumer Affairs, u I.W. Ingty wa kiwi de.
Discussion about this post