Sdang takit ki pulit ya kiwa pynemkaam ya ki kyntien wa da ktah yei sñiaw yong kiwi ha ka Public Hearing ka MCL

U Superintendent of Police, East Jaiñtia Hills District, Khliehriha ka Wyrta wa da phah u da ong u wa ha ka Public Hearing wa da pynman ynnin ka sngi ha Meghalaya Cements Limited, Thangskai heiwa da mih i kulmar hapyrdi ki pulit wa kiwa wan wow pyrchah wei na ini da mih iwi i Video ha YouTube yong kawi ka laad pathai khubor heiwa da sñiaw wa em ki bru wa pynemkaam ya ki kyntien wa pynchit wei wow maham iwa ktah yei sñiaw yong kiwi ha ini i por wa jia ini.

Heiyatoh wa ini da Register Case hapoh ka Section 153B/503/504/506 ka IPC ha Lumshnong Police Station wei ka takit dang lai ko chakhmat.

Da phah leh ya ka 91 CrPC Notice cha kani ka laad pathai khubor yow wanrah ya ini i Video kam ka sabut hapoh ka aiñ Evidence Act.

U SP da ong u wa ki pulit ka Meghalaya toh kawa kreh yow em i suk i saaiñ ha ka imlang sahlang wei kiwon kiwon kiwa thmu wow pynthut yeini daw pynchitom katkam ka aiñ.