Dawa ka JNC yow wanrah ya ki 15 tylli ki chnat krehkaam ka sorkar hapoh East Jaiñtia Hills

Ka Jaiñtia National Council-Khliehriat Circle hapoh i yahkhmat u General Secretary, u Mebanteilang Sukhlain ha ka 30 tarik da lai ki wow e dorkhat cha u Montri Rangbah ka jylla lyngba u Deputy Commissioner, ka East Jaiñtia Hills District, u A. Baranwal wow wanrah noh ya ki chnat yung krehkaam sorkar waphær waphær kiwa em hadooh 15 tylli ki wym pu wanrah hapoh ka District wei kini toh kiwa kynthup kamni ha wah:

1. Assistant Registrar Cooperative societies.
2. The Assistant Director IPR
3. Jt. Director of Schools Education & literacy
4. The Divisional forest Office, (wildlife)
5. The Divisional forest Office (Social Forestry)
6. The Divisional forest Office (Territorial)
7. The District Librarian
8. The Executive Engineer, (CEW) A.H & Veterinary office
9. The Executive Engineer, PHE Electrical Division
10. The Executive Engineer, PHE (RWS) Division
11. The District Sericulture Office
12. The District Urban Planner/Town Planning Office
13. THE Executive Engineer, Urban Affairs
14. The District Handloom Office
15. The Weaving Inspector.

Ka seiñ da ong ko wa ka East Jaiñtia toh kawa man kam kawi na ki District wa yoh dan boon dooh ka sorkar wei da man ko kam ka District wa pura la 11 tylli ki snem tangwa hawa kyruiñ won cha ka roi ka paar dang man ko kawa sahdien dooh.

Da e daw wa dei wym em kini ki chnat sorkar, ki paidbah da hap ki wow lai ya beh cha Jowai wa Shillong yow pyndep yei kaam yong ki.

Da e nongmuna leh yei wym em ka chnat Electrical wa ka chnat Distribution neibynta ka PHE wei da toh leh wow em ka yung krehkaam u Jt. Director of Schools Education & Literacy khnang wow kyntu ya ka puræ puthi ha ka thaaiñ.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025