Chem ka JSU wa pynemkaam ka dukan Hardware ya ka thaw booh khoo ka MSWC

Ka seiñ JSU hadien wa da dep e dorkhat ko ha u bnai wa dadep, da lai pait bniah ko wei da chem wa ya ka yung wow booh khoo ka sorkar, ka Meghalaya State Warehousing Corporation (MSWC) wa em ha ka chnong Mihmyntdu kawa em hajan Jowai toh kawa da pynemkaam pathan ka kam ka thaw booh tiar yong kawi ka dukan Hardware u baar jylla wa em ha Mihmyntdu.

Da chem ki leh ya ka soskular hapyrdi u Managing Director ka MSWC wa kani ka dukan Hardware kawa pynemkaam kani ka dukan toh deiwa su bai bnai ya i thaw.

Neiliang ka seiñ da dawa ko na ka MSWC wow pynche ya kani ka soskular kawa khlem pyntip paidbah namo khut Tender wei da dawa leh na ka MSWC wa toh u booh ya ki mar rep wow pynsuk ya ki warep wow booh ya ki mar yong ki.