Ynne ka sngi, ka Jaiñtia National Council-Khliehriat Circle hapoh i yahkhmat u General Secretary, u Mebanteilang Sukhlain da lai pait ki ya ka yung krehkaam sorkar wa tip kam ka Tourist Officer and Information Centre wa em ha Khliehriat hadien wa ka seiñ da yoh ujor ko na kiwa boon kiwa chong chnong ka thaaiñ wa ym jooh em bru wa kreh heini.
Hei lai pait ka seiñ da chem ko wa kani ka yung krehkaam toh kawa wai dwar hi tangwa tang u Peon leh ym em wei da yoh yutip wa ka sahep wa toh u pait ya katai ka chnat ym jooh wan kreh la kamwa chi snem.
Hajrong ini, ka seiñ da dawa ko wa kani ka sahep toh u pynche ko ya ini i daw wym jooh wan kreh neibhah ini da booh hei eh ya ki paidbah khamtam ha ka kaam Tourism wei lada ym em kiwa kreh kammon wow pynpawnaam ya ka thaaiñ.
Ka seiñ da kylli ko leh na ka sorkar wa kammon da e tulop khlem em wan kreh neibhah kamwa da yoo wa kiwa boon ki thaw uiñke suwari hapoh ka District toh kiwa emkaam sakhiat yei yarap na kani ka chnat kawa pynkhamkti wow leh yeini wei lada kamni da yoo lakam wa da pynsepai ya ka poisa u paidbah.
Hajrong ini, ka seiñ da lai yachem ko leh wa u Deputy Commissioner ka East Jaiñtia Hills, u A. Baranwal wow leh yeiwa emkaam hajrong katai ka yung krehkaam khnang wow e yei chakri wa pura ya ka thaaiñ.
Discussion about this post