U State President ka National People’s Party (NPP), u Dr. Wanwei Roy Kharlukhi da ong u wa i khang ya ki paidbah ka jylla wow khih mooyong toh iwa pyndooh yei hok manbru yong ki, neibhah ya ini da myllien da palat 40 snem da ki paidbah khamtam ha Jaiñtia Hills kiwa da im-ja nei tih mooyong.
Da ong u wa u mooyong neibynta kiwa chong chnong ka Jaiñtia Hills toh uwa da chaniah kiwa boon man-ka-sngi wei wow khang syndet syndet man ko thij kamwa pyndooh baam deiwa ong wa ini da jia i du manda hoi khih hoi khan ki bru tangwa nachwa 40 snem ym em wa bna iyi iyi leh tangwa ileh won katni neibhah i chah ktah ka rymaw nei thang sympoor khamtam ha Delhi heipor tlang toh iwa da ktah yei chait i khiah wei iwa da yah chei yap, kamtæ ileh ka NGT ym em leh ko iyi leh heiyatoh wa ini.
Da ong u wa ki jooh ki bru kiwa chah pynbaad wa toh kiwa khih mooyong pyrchah ya ka aiñ, toh ki jooh ki bru kiwa kreh mylla wow tih mooyong nadooh i por wa dang em ki 9, 10 wa 11 snem neibha wym yoh laad ki wow lai skur tangwa da kreh ki wow pyndap baam ya ka yung wei katni manda mahajon ki da chah khut ki da kiwa boon ki jait ki pyrtuid nadooh ki ‘Coal Baron’ ki ‘Mafia’.
Da e nongmuna u yeiwa da dep wa em kiwa yap ha thaaiñ Sutnga hei chlai um ka krem mooyong deiwa ong wa kini da lai khih mooyong ki neidaw wym dap poisa ka yung ka sem neibhah wa daw em ka yaseiñ wa heh wa daw pyman ha chnong ki ha itu i por hanla da khang ka NGT.
Chooh chooh da ong wa manda yoh ki Truck wow lai u wan pynmyntoi ko nadooh ya kiwa dai cha, kiwa dai kwai wa kiwi de iwa yarap wow pynku yei yoh i laa waka khayi pateiñ hapoh ka jylla.
U Dr. Kharlukhi uwa man leh u MP ka jylla ha Rajya Sabha da ong u wa da pynkhreh boonsien wow klam ya kani ka phang hapoh Parliament, tangwa ym yoh laad u neidaw wa mih ki huri hura ha Parliament.
Discussion about this post