Hadien 22 snem yoh kawa chah slaitbor yei hok

Hadien 22 snem, kawi ka khynnah kawa da chah slaitbor ha u snem 2001 da yoh ko yei bichaar hok heiwa uwa slaitbor ka da phah kset ya oo 10 snem.

Heiyatoh wa ini, u SP ka West Jaiñtia Hills District da pyntip wa ha ka 26-05-2001 da yoh ya ka FIR wa da lai booh ha u Officer In-Charge ka Jowai Police Station da kawi ka manbei wa chah slaitbor ka khon ko kawa dang khian rta ha uwi u bru wa tip kam u Dri Phawa uwa na ka chnong Myrjai.

Katkam ka FIR, uni u bru da slaitbor u ya kani ka khynnah ha ka 23-05-2001.

Related posts

Chah tooh biang sa kawi ka Scooty na pchem yung ha Jowai

February 4, 2026

Chah kem u Police Inspector wa baam poisa na u hehspah deiwa maham

January 31, 2026

Ya ka takit da pynman da ka ASI W. Vaichei kam ka Investigating Officer heiwa da Charge Sheet ya uni u bru hapoh ka Section 376 IPC.

Kamtæ ha ka 31-08-2023 ka yung bichaar u Sessions Judge, West Jaiñtia Hills, District Jowai deiwa pait ya ki sabut, da chem wa u Dri Phawa da slaitbor u ka kani ka khynnah heiwa da phah kset ya oo 10 snem hapoh ka Section 376 ka IPC.