Chi rta phah kset ka yung bichaar ya ki 3 ngut kiwa pynyap bru

Kawi ka manyung da yoh ko yei bichaar hok hadien 17 snem wa chah pynyap uwa ha-yung ki ha ki 3 ngut ki bru.

U SP ka West Jaiñtia Hills District da pyntip u wa ka yung bichaar da phah kset ko chi rta ya 3 ngut kiwa emkti ha ini i kaam.

Ini toh hadien wa da dep yoh ya ka FIR ha ka 02-06-2006 ha Jowai Police wa wan e da u Barley Chullet uwa chi payu wa u Lobi Chullet uwa da chah pynyap ha ki 3 ngut kitæ u Shem Langstang, u Tharki Langstang wa u Hiarki Langstang iwa da jia ha ka 01-06-2006.

Ini i chah pynyap u Lobi Chullet toh ha i thaw wa tip kam i Ait Chrieh wa dang haap hapoh ka chnong Thadsning.

Related posts

Yoh kem ki pulit ka West Jaiñtia ya 5 ngut kiwa emkti wow tooh Scooty | 4 ngut kiwa dang khian rta

April 24, 2026

Da ka wait na khlieh hadooh wa yap chah pam u khynnah wa dang 3 snem pyn ha u ma u ha Umdang

April 23, 2026

Ya kani ka takit da pynman da u SI C. Lamare kam u Investigating Officer wei hadien wa pyndep ya ka takit da Charge Sheet ya kini ki 3 ngut deiwa pynngat ki hapoh ka Section 302/201/34 ka IPC.

Kamtæ ha ka 30-08-23 ka yung bichaar u Sessions Judge, West Jaiñtia Hills District hadien wa da dep pait ya ki sabut da rai pynrem ya kini ki 3 ngut (Shem Langstang, u Tharki Langstang wa u Hiarki Langstang) hapoh ka kyndon Section 302 ka IPC heiwa da phah kset ya waroh kini ki 3 ngut chi rta.