Ka yung krehkaam u District Tuberculosis Officer, East Khasi Hills District ha ka 8 tarik da pynman ko ya ka yalang wow wai ya ka Ni-Kshay Mitra Project ha East Khasi Hills District hajrong deiwa saam marbaam hajrong ka phang wa ong “Food Distribution on Community Support Scheme for TB Patients” wa da e da ki ‘Doctors For You’, kawa da pynman ha Reid Provincial Chest Hospital Hall, Jhalupara, Shillong deiwa emlang ka East Khasi Hills, Deputy Commissioner, ka R M Kurbah kam ka kongsan.
Ka ‘Doctors For You’ man ko kam ka seiñ NGO wei da jied ko wow yarap 100 ngut kiwa chitom TB kiwa na East Khasi Hills District deiwa e ya ki da ki marbaam wei kini toh kiwa da kyrchaan poisa da ka MYLAN Pharmaceuticals Pvt. Ltd, Bangalore.
Kani ka NI-KSHAY MITRA toh kawa da sdang da ka President ka India hapoh ka Pradhan Mantri TB Mukth Bharat Abhiyan ha ka 9 tarik u Naikhynde, 2022. Ka NI-KSHAY MITRA toh kawa le liang deiwa yarap da ki baam wa tei, i phah sumaar wa i e yarap sikai kreh.
Kani man ko leh kam chibynta ka “Pradhan Mantri TB Mukth Abhiyaan” namo wow pyndooh noh yei kjut Tuberculosis ha India kat ha u 2025. Kawi na ki bynta toh wow e kyrchaan lyngba ka Corporate Social Responsibility heiwa ki Company leh u e yarap ki wow pynyoh yei sumaar kamjooh deiwa chibynta kiwa chong chnong yow poi cha ka thong.
Ka sorkar da e yarap ko leh yei sumaar wa i dawai dei mynkna wei ka NI-KSHAY Poshan Yojna hapoh ka National Tuberculosis Elimination Programme toh cha waroh kiwa phah sumaar ha ki thaw sumaar sorkar wa ki thaw sumaar ki bru samen.
Ka R M Kurbah hawa e yei klam da e khublei ko ya ki ‘Doctors For You’ kiwa da sdang ya ini wow yarap ya kiwa kjut hapoh ka District wei ini daw yarap ko wow pyndooh jait yei kjut TB napoh ka imlang sahlang waka ri waroh kawi. Da kyntu ko leh ya kiwa chitom wow dih tista yei dawai wei wow im dei chait i khiah wei kamjooh wow baam da ki baam wa chait wa khiah.
Ha kani ka yalang, ka DC da e kti ko leh ya ki marbaam cha kiwa chitom wei neiliang u Dr. M. Mawrie, State Tuberculosis Officer da e u leh ya ka Ni-Kshay Mitra Certificate cha ka R M Kurbah.
Discussion about this post