Paan bor ka NHAI yow wai biang ya ka Toll Plaza ha Lumshong, kyntait ka KSU wa kiwa yahkhmat chnong

Ynne da pynman ya ka yalang ha Conference Hall yong u DC ka East Jaiñtia Hills District heiyatoh wa i kwah yong ka NHAI yow wai noh yaka Toll Plaza kawa em ha Lumshnong hadien wa da khang ka KSU EJHDU ha u Naisaphra ya kani ka thaw chim dan ya kiwa lai wa wan heipor wa pynman yakhih yow dawa pynchna noh ya u sarok NH-6.

Ha kani ka yalang da ya wan da ki kattu katni ngut kiwa yahkhmat chnong, ki dkhot ka KSU EJHDU wei da pynlai ya ka yalang da u ADC, u G. Warjri.

Ha kani ka yalang ym em bru naka NHAI kiwa da wan mih, kamtæ ka KSU wa kiwa yahkhmat chnong da pynsñiaw ki yei pyrchah yei thmu paan bor ka NHAI wow wai ya katai ka Toll Plaza katwa ympu dep pynchna ya u surok.

Ka seiñ da yieñ skem ko ha ka yurim wa katwa ym pu pynchna ya u sarok, ka NHAI ym ye ko wow wai ya kani ka thaw khrong dan.

Related posts

Da boonsien dep u yasyllok wa kiwa chongdai madan, phylla u Paul yei pynbaad wa leh yabor

November 24, 2024

Da 4 lak tam ki Vote jop ka Priyanka Gandhi ha ka Election wa nyngkong yong ka

November 23, 2024

Neiliang u ADC da kular u wow phah ya kani ka rai cha ki bor ka NHAI wa cha ki bor sorkar wa haneiñ.

Ka seiñ da ong ko wa da phylla neibhah dang mut wa ka sorkar da khut ko wow yatai hajrong i wym chimkhia ka NHAI ya u surok tangwa mar cha wa yoo neibhah da yaklam pathan chaphang i wai ya ka Toll Plaza.