Ka 1st Division 2023 ka East Jaiñtia Hills District Football Association (EJHDFA) ynne da poi ko cha ka sngi wa le deiwa pynman ar tylli ki yalehke.
Ha ka yalehke wa nyngkong, ka Musniang SC da jop ko da 3-1 yaka Mukhaialong SC.
Ya ki kool ka Musniang da thap da u Mardiphone Rymbai haka minit wa 11 wa 20 wa u One Enjoy Dkhar haka minit wa 45+3 katwa ya ka Mukhaialong da thap kool da u Bino Phawa haka minit wa 67.
Ha ka yalehke wa ar, ka Rangad SC da jop ko da 1-0 yaka Shilliang Umshong SC da ka kool wa thap u Wingki Dkhar haka minit wa 31.
Ki yalehke wa bood daw pynman mynstep hapyrdi ka Rymbai Synrang Shahkhain DC waka Rymbai Pohskur heipor 12:00 waje pyrdi sngi wei daw pynbood da ka Khliehriat West FC waka Byndihati SC heipor 2:30 i sngi.
Discussion about this post