Hadien wa kut i sdang ka yakhih yow dawa pynchna noh ya u sarok NH-6 ynne ka sngi wa da pynman da ka KSU-EJHDU deiwa khang sarok heiwa da chong kyllaiñ myngngor wei da thiah sarok wei da man ko leh kawa lai bait deiwa yoh yei kyrchaan na ki seiñbhalang wei kamjooh na ki paidbah.
Neiliang ka seiñ da pynbna ko wa daw pteiñ won sa i yakhih deiwa dam u sai kari da waroh nadooh kiwa kamai kari heh wa ki kari khian neipor 7:00 waje myntu i miet hadooh 5:00 waje i step ka 26 tarik wei daw pteiñ yeini man-ka-sngi chi tayaaw.
Ka seiñ da pynche ko wa ini ymtoh i pynkhang chnong wei ymtoh deiwa pynbor tangwa deiwa khut donhi yei ya krehlang yong ki paidbah.
Hawa e yei klam, neiliang ki heh ka seiñ da beiñ joor ki yaka sorkar deiwa ong wa ka East Jaiñtia Hills District toh kawa pynyoh dan boon dooh yaka sorkar hapoh ka jylla tangwa ki kaam pynroi won ym yoh ka District.
Kamtæ da beiñ yaka sorkar MDA-II hapoh i yahkhmat u Conrad Sangma kam u Montri Rangbah ka wym bien tang u pynchna ya uni u sarok tangwa yoh poisa hi wow thied thaw cha baar jylla yow chna yung krehkaam.
Da ong leh wa lada ha kini ki por tlang ym ye u pynchna ya uni u sarok ka seiñ daw pynbna chooh chooh ko ya ki yakhih.
Discussion about this post