Kam chibynta ka lyngkhooh sngikha wa 154 u Mahatma Gandhi, u Lat ka Meghalaya, u Phagu Chauhan, da booh syntu u ya uni u “Pa ka ri” wa sa uwi won u bru wa khroo ka ri, u Lal Bahadur Shastri uwa man kam u Prime Minister wa ar ka ri.
U Lat da wai u leh ya ka yaaw dai kot namo ka Book Fair kawa pynman da ka National Book Trust of India. Ha kani da em ki kot ki sla kiwa chaphang u Mahatma Gandhi wa kiwi de ki khlawait ka ri ki wym em da yoh yei tipmit hei yakhih yaleh laitlooid ka ri.
Najrong kani ka yaaw dai kot, u Lat da pynlait u leh ya ka kot wa da e pyrtuid ‘Pathways to Progress: India’s National Education Policy 2020 Unveiled,’ wa da thoh da u Dr. Sagar Onkarrao Manjare, Vice-Chancellor ka Mahatma Gandhi University, Meghalaya waka Dr. Sarika Dixit, Registrar ka Mahatma Gandhi University, Meghalaya.
Ha kani ka sngi da emlang leh ki khynnah na kiwa boon ki skur na Shillong deilang wa kiwa kreh ka Raj Bhavan kiwa da chimbynta wow lehwarom ya ki bru ka wa khroo ka ri.
Discussion about this post