Da ka Battle of the Bands, ki Model, kiwa tem waka DJ ki wow pynchit ya ka Fete ka Chutwakhu

Ka Chutwakhu Social Welfare Local Durbar, Jowai daw pynman ko ya ka Fete ha ka 12 wa 13 tarik uni u Naichiphaw, 2023 ha madan Jrisaleiñ Chutwakhu wei ha uni u snem daw em boon kiwa daw wan pynwyrngia pyn ka-it ya phi ki paidbah ha kini ki ar sngi.

Daw em leh boon ki yalehke heiwa ka Bumper Housie toh kawa Rs. 1,00,000 wei kiwi de toh ki yalehke Khruk-Khruk, ka Pynskit 1234, ka Lucky 7, ka Wheel of Fortune wa kiwi kiwi de kiwa neibynta ki khynnah hadooh kiwa da heh.

Daw yoh phi leh wow maad ya kiwa boon ki baam tynre wa bang deilang wa ki baam Chinese wa da chet kyrpang neibynta yong phi.

Ha ka sngi nyngkong ka Fete katæ ka 12 tarik, daw em ka Battle of the Bands heiwa kiwa tem wa put daw yaknieh ki yei ki naam jop wa boon deilang waka song poisa wa Rs. 30,000 cha kiwa yoh nyngkong, Rs. 20,000 cha kiwa yoh wa ar wa Rs. 15,000 cha kiwa yoh wa le.

Related posts

Saam ka Kur Soo Kpoh Khadar Wyrnai ya ka song poisa cha kiwa pam Lucky Draw

May 5, 2025

Ka Result Lucky Draw ka Seng Samla Seiñ Raij Satpator

May 1, 2025

Hadien kini daw em leh ki Model ka ONE START UP JAINTIA MODEL kiwa daw pynyoo yei sap i phong yong ki kamjooh deilang wa ki riam ki bait.

Ha ka 13 tarik won daw em ka DJ Raven kawa na Guwahati deilang wa 5 tylli kiwi kiwa tem wa put wa pawnaam kam ki Larger Than 90, ki Toxic Pony, ki Nexus, ki Disturb of Malice wa ki The Lynx.

Ha kani ka sngi pynkut daw pynkhle leh ya ka Lucky Draw heiwa ka 1^st Prize toh ka song poisa kawa Rs. 3,00,000, ka 2^nd Prize kawa Rs. 1,50,000 katwa ka 3^rd Prize won Rs. 75,000.

Kamtæ neiliang ka Chutwakhu Social Welfare Local Durbar, Jowai da khut sñiawbha ko ya phi waroh wow ya wan pynchongchit ya ka Fete yow man ko kawa jop.