U President ka Khasi Authors’ Society (KAS), u Dr. DRL Nonglait da ong u wa chong ha ka sorkar India wow pait lada ye namo ymye wow tipmit ya ki ar tylli ki jait ktien ka jylla khamtam wa ka Meghalaya man ko ka jylla wa khian wei kamjooh kiwi ki jylla da booh ki ya kam ini i dawa.
Da ong u wa i dawa ka KAS nadooh wa sdang toh wow tipmit ya ka ktien Khasi hapoh ka 8th Schedule, tangwa hadien wa ka sorkar da chim ko ya ini i mat, da mynjur lang ya ka rai (Resolution) hapoh ka Yung Dorbar Chna-aiñ wow tipmit leh ya ka ktien Garo.
Chooh chooh da ong u tangwa i kwah ka KAS toh wa ka sorkar India næ ka sorkar jylla ymtoh u ong ki wa hap yoh waroh ar kini wei ymboi lada tipmit du ya kawi ka jait ktien.
Ha iwi i liang u Dr. Nonglait da ong u wa i slem wow tipmit ya i ktien Khasi toh iwa bakla luti heiwa waroh chi kattu toh u booh ha ka chnat Home Ministry ka ri ha ki por wa dadep, da pynrap u wa kitu kiwa dawa du ki MP khlem i krehlang namo i thoh wa che na ka sorkar da pynman ya ka KAS wow dawa na ka sorkar wow mynjur ya ka kawi ka rai (Resolution).
Discussion about this post