The Indian Army da pynbna ko wa ka Agniveer Army Recruitment Rally neibynta kitu kiwa na Meghalaya kiwa da chah jied (Shortlisted) hadien wa pyndep ya ka Common Entrance Examination wa da pynman ha u Naitung (April) uni u snem, daw pynman ha Manekshaw Stadium, 58 GTC, Happy Valley, Shillong ha ka 5 wa 6 tarik u Khongchonglad (Nov), 2023.
U PRO ka Ministry of Defence da sneiñ u ya kiwa yaleh kreh wym toh u chah pynbiej ha kitu kiwa thok wa chukor wa kiwa phon yow pynyoh kreh neibhah daw chah jied du kiwa ye u lehbha donhi.
Lada chem ki ya kiwon kiwon ki bru kiwa wan tyrwa wow yarap pynyoh kreh, toh u pyntip ki cha ki Army Unit wa em chajan næ deiwa lai cha Headquarters Shillong Police Station næ cha ka Army Recruiting Office Shillong.
Da pyntip leh cha kitu kiwa da cha Shortlist ki wym pu em yoh ya ka Admit Card yong ki, ye ki wow lai cha ka Army Recruiting Office, Shillong næ wow email:- [email protected] wei ye leh wow Phone ha u Number 0364-2504177 yow tip ki kammon wow chimbynta ha kani ka Recruitment Drive.
U yoh u chimbynta ha kani ka Recruitment Rally toh du kitu kiwa em ya ka Admit Card donhi.
Discussion about this post