U Chief Executive Member ka Khasi Hills Autonomous District Council (KHADC), u Pynïaid Sing Syiem da ong u wa ym kwah u wow em chooh chooh ki Marten sa ar le tylli, wei wow dang mih ki Wah Umkhrah wa ki Wah Umshyrpi.
Kam chibynta wow pynmankaam yei thmu ka KHADC wow pynkhooid ya ki chnong ki thaw, ynne ka sngi u CEM ryngkat ki heh yong ka World Bank da lai jngieh ki ya ka Wah Umkhen ha Thembasuk, heiwa da phyllu yumut leh wa kiwa kreh chnong ka Umpling. Ha kani ka sngi da lai jngieh leh ya ka Mawroh wow sdang ya ka Resource Recovery Center.
U Pyniaid da ong u wa ka thong yong ka KHADC ymtoh du wow pynkhooid ya ki chnong wa ki jhep na ki yung bru, tang wow pynneh leh ya ki um ki wah wow lait ki u kylla kam ka Wah Umkhrah waka Wah Umshyrpi, hanla i yakhun ymtoh iwa suk wei ka KHADC ym randien ko.
Da khana u wa ki heh ka World Bank da pynsñiaw ki yei kmen wa ha ri Khasi da em chwa i pynkhooid ya ki chnong wa ki yung, heiwa da phylla wa wot ha ki chnong em ki ya ki yung krehkaam yong ki hi wei kammon pynlang jhep ki heiwa kattu sah sei wow pynjanai yeini.
U CEM da ong u leh wa neiliang ka Council daw pynbiang noh ko hapoh chi bnai ya ki kyndon hapoh ka KHAD (Solid Waste Management) Act, 2020.
Discussion about this post