3 snem phah kset ka yung bichaar ya uwa thmu wow slaitbor ya kawi ka khynnah khian

U SP ka West Jaiñtia Hills da pyntip u wa ha ka 03-04-2019 kawi ka manbei da lai e FIR ko ha u Officer In-Charge ka Amlarem Police Station deiwa ong wa ha ka 31-03-2019, uwi u bru wa tip kam u Lucky Dhar da pyrchang u wow slaitbor ya ka khon ko kawa dang 10 snem i rta ha i yung wa sah ko ha chnong Pdengshakap.

Ha ini i por wa jia, kani ka khynnah toh dang thiah ko heiwa u Lucky Dhar da wan u wei da sdang u tba kti khlemakor ka hadooh wa da khyrngiat ko wei da sdang ko wow yaam.

Hadien wa tip kani ka manbei yeini wa jia, da lai ko cha u waheh chnong uwa da ong ya ka wow lai ko cha ki pulit. Kamtæ ki pulit ka Amlarem Police Station da pynngat ki ya u Lucky Dhar hapoh ka Section 7/8/18 ka aiñ POCSO.

Yei takit da pynman da ka WPSI. I. Nongrum wei hadien won da chimkti da ka WP Inspector P.E Marwein yow pyndep ya ka takit. Hadien wa pyndep ya ka takit, da Charge Sheet ya u Lucky Dhar hapoh ka kyndon 7/8/18 ka aiñ POCSO yei leh khlemakor u ya kani ka khynnah khian.

Related posts

Lai ki chi chan cha Goa yow bia tangwa chah pynyap ka kynthai ha u chynrang

June 20, 2025

Chah kem uwa kreh ka Air India wa khayi yei ksiar wa chongdor Rs. 1.41 klur

June 14, 2025

Kamtæ da pynbiang ya ki sabut ha yung bichaar u Special Judge (POCSO) West Jaintia Hills District, Jowai, wei ha ka 29-09-2023, ka yung bichaar u Special Judge (POCSO) Jowai Special Session (POCSO) da chim rai pynrem ya u Lucky Dhar hapoh ka kyndon 7 ka aiñ POCSO.

Hajrong ini da phah kset ya u Lucky Dhar 3 snem deiwa khor wei da phah su oo leh Rs. 5000.