Booh mooyurim u Conrad yow chna ya ka Rongeng Stadim kawa Rs. 9.25 klur

U Montri Rangbah ka Meghalaya, u Conrad K Sangma ynnin da booh u ya u mooyurim yow chna ya ka Rongjeng Stadium ha East Garo Hills deiwa emlang u Montri ka chnat Sports & Youth Affairs, u Shakliar Warjri deilang wa ki MLA wa kynthup ya u Jim Sangma wa u Rupert Momin.

Kani ka Stadium toh kawa daw chna hei lut wa Rs. 9.25 klur wow kynthup lang ya ki thaw chongke ki paidbah.

U Conrad hawa e yei klam da ong u wa ka sorkar ha kini ki 5 snem wa da lai da pynlut ko Rs. 400 klur nadooh u snem 2018 yow chna pynmiat ya ki thaw yalehke hawa nujor ya ki 45 snem wa da lai.

Da pynbna u leh wa ha ki 5 snem wa daw wan daw pynlut kamwa Rs. 1000 klur yow chna pynmiat ya ki thaw yalehke ha kylleiñ ka jylla wei da booh thong leh wow pynku kyrdan ya 25 tylli ki madanbol deiwa siang da ki Artificial Turf.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

Chooh chooh da ong u wa da chimkhia wow pynku leh ya kiwi ki jait yalehke kam ka Badminton, Tennis wa kiwi de wei ya ka Meghalaya Games 2023 daw pynman ka ha Tura ha uni u snem deiwa daw chimbynta palat 3000 ngut kiwa yalehke na kylleiñ ka jylla.

Ha iwi won i liang da pynchlur u ya ki paidbah wow chim kabu ya ka CM Elevate Programme kawa man neibynta kitu kiwa kwah wow seiñ khih.