Daw wan pynchit ki Sleeping Satellite wa ki Black Slade ha ka Loomkyntoor Music Festival

Ha ka Loomkyntoor Music Festival 2023 kawa daw pynman ha ka 20 wa 21 tarik uni u bnai daw wan tem leh ar tylli ki dhab tem wa pawnaam ha ri India kitæ ki Sleeping Satellite wa ki Black Slade.

Ki Sleeping Satellite toh kiwa tem Alternative Rock wei da dep wan tem ki ha kiwi ki tamasa kam ha Ziro Music Festival, ka Majuli Music Festival wa kiwi kiwi de.

Hapoh ka Sleeping Satellite da em u Raja Pradhan kam uwa tem Guitar uwa da jooh ya krehlang wa u AR Rahman wa u Clinton Cerejo wei da jooh tem lang u ha ka jooh ka rynsan wa kiwa na baar ri kam ki Chon wa ki Fever 333 wa ha ka tamamsa VH1 Supersonic wei da mih pyrtuid u leh hapoh ka Rolling Stone Magazine ha u Kmaichonglad (Dec) 2019 kam uwi na ki 24 ngut kiwa em sap bha u tem hapoh ka ri India.

U Mondip Kalita toh uwa tem Bass uwa na Assam wei da dep jop u yei naam Best Bassist la le sien wei da dep tem u leh ha kiwa boon ki tamasa kam ka Kala Ghoda, Urban Fest wei da jooh tem u leh hapoh ka dhab tem wa tip kam ka “Sei Hek” kiwa da pynchit ya ki paidbah hachwa u tem ki Chon kiwa na Mexico ha Bangalore ha u snem 2020.

Related posts

Da khut ya kiwa kwah u chimbynta ha ka Miss Kupli 2024-25

November 26, 2024

Ka Result Lucky Draw ka Mookhep Secondary School

November 25, 2024

U Bibhash Burogohain toh uwa rwai thymme katni ya ki Sleeping Satellite wei uwa tem leh ya ka Guitar wei nachwa jooh embynta lang u wa ki Obstinate, Chaotic Mirrors wei katni won da emlang u leh wa ki Silver Tears ha Mumbai wei da kreh u leh wa ka Sony Music India wei da jooh ya krehlang u leh wa u Mohit Chauhan, Ritviz, u Javed Ali wa kiwi kiwi de.

U Joy Das won toh uwa tem Drum wei da dep yoh u wow ya tem lang ha ka jooh rynsan wa kiwi kiwa tem na baar ri kam ki Polyphia, The Ocean Collective, u Chris Adler, u Gino Banka waka Mohini Dey. Da dep u leh wow jop yei naam Best Drummer la 10 sien.

Ki Black Slade won toh kawa em ya uwi na kiwa tem Bass wa pawnaam ha India uwa tip kam u Anthony Braganza uwa da dep tem ha kiwa boon ki chnong hapoh India wa cha baar ri la 32 snem wei da lai tem ki leh la ar sien ha ka International Jazz Festival kam kiwa mihkhmat ya ka India najrong kiwa boon ki tamasa hapoh ka ri, da yoh ki leh wow mih TV da boon sien.

Da jooh ya tem ki leh wa u K K (Krishnakumar Kunnath), u Kailish Kher, da tem ki leh wa kiwa rwai Sufi kam u Parvati Khan, ka Anamika, ka Sharon Prabhakar, ka Shibani Kashyap, ka Vandana Vadera, u Valentine Shipley, ka Carlyta Mouhini wa kiwi kiwi de kiwa rwai wa pawnaam ka ri.

I jait sur wa tem ki toh ki jait Goan Rhythm, Funk, Punk, Rock, Pop wa Modern Jazz.