Ka Seiñraij Higher Secondary School, Jowai kamwa pynjooh khlieh u snem ha kani ka kynti leh daw pynman ko ya ka yaaw Fete wa ar sngi ha ka 13 wa 14 tarik u November 2026 ha Madan Ryngkaw, Tpep Pale neibynta wow kyntu kynrong ya ka yarong poisa ka skur.
Ha kani ka Fete yong uni u snem daw em ki dhab tem wa ki bru samen wa pawnaam wow pynwyrngia ya ki paidbah ki wow wan na kylleiñ ka jylla kam ka Nexus Band, ki Edeimandur, Pyrla Tara wa kiwi.
Daw em leh ki lehke wa har rukom nadooh ka Lucky Dip, Pynskit wa kiwi kiwi.
Chooh chooh daw em leh ki dukan dai baam nadooh u Tpu-waseiñ wei doh, hadooh Barbeque wa kiwi.
Ha kani ka Fete yong uni u snem daw em leh ka Lucky Draw kawa Rs. 50 chi Ticket wei Rs. 500 chi book heiwa ki Prize u man ki kamni ha wah:
1st Prize – Rs. 3,00,000
2nd Prize – Rs. 1,00,000
3rd Prize – Rs. 50,000
Ki Consolation Prize wa 5 tylli hei dor Rs.10,000 kawi.
Heijooh i por daw em leh ka Housie ha ki ar sngi heiwa ha ka sngi nyngkong ka 13 tarik i dor kawi ka Card man ko Rs. 300 wei ar Card won Rs. 500 heiwa ki House wa kiwi man ki kamni hawah:
1st House : Rs. 50,000
2nd House : Rs. 10,000
All Lines : Rs. 2,000 uwi
Ha ka sngi wa ar won ka 14 tarik i dor kawi ka Card man ko Rs. 500, katwa ar tylli ki Card won Rs. 1,000 wei ki House man ki kamni ha wah:
1st House : Rs. 3,00,000
2nd House : Rs. 50,000
3rd House : Rs. 20,000
All Lines : Rs. 10,000 uwi
Kamtæ da khut sñiawbha ya waroh ki khynnah puræ warim ka skur kamjooh ki lok ki jor najan najngai wow wan chimbynta ha kani ka Fete khnang wow ye u pynwandur ya ka mynried ki khynnah wa katni kamjooh ki wow wan hadien yong ki.
Discussion about this post