Jop ka Iakyntu Ionglwit ha ka Senior Football League ka TSA

Ka Senior Football League wa pynman da ka Thadlaskein Sports Association (TSA) da pteiñ biang ya ka ynne da le tylli ki yalehke ha madanbol ka Khliehtyrchi.

Ha ka yalehke wa nyngkong hapyrdi ka Thadlaskein Veteran pyrchah ya ka Youngstar Ummulong da kut ko da 1-1 heiwa ya ka Thadlaskein Veteran da thap kool da u Tuesday Lyngdoh ha ka minit wa 68 katwa ya ka Youngstar Ummulong da thap da u Riwanki Lamare ha ka minit wa 25.

Ka yalehke wa ar leh da kut ko da 1-1 hapyrdi ka Niriang waka Tympang Wahiajer heiwa ya ka Niriang da thap kool da u Ajay Kharmylliem ha ka minit wa 16 katwa ya ka Tympang Wahiajer da thap da u Dame Lakiang ha ka minit wa 68.

Related posts

Daw pynman ya ka Trial yong ka AIFF-FIFA Academy ha Shillong neibynta ki khynnah chynrang wa kynthai

February 2, 2026

Pdengshakap Football Tournament: Psiah Quarter Final sa ka Border Line FC waka Pohplet FC

February 1, 2026

Ha ka yalehke wa le, ka Iaikyntu Ionglwit da jop ko ya ka Moobakhon da 2-0 da ki kool wa thap da u Wandame Nongkrem ha ka minit wa 8 wa u Nidaphang Paphiah ha ka minit wa 23.