Jop ka Iakyntu Ionglwit ha ka Senior Football League ka TSA

Ka Senior Football League wa pynman da ka Thadlaskein Sports Association (TSA) da pteiñ biang ya ka ynne da le tylli ki yalehke ha madanbol ka Khliehtyrchi.

Ha ka yalehke wa nyngkong hapyrdi ka Thadlaskein Veteran pyrchah ya ka Youngstar Ummulong da kut ko da 1-1 heiwa ya ka Thadlaskein Veteran da thap kool da u Tuesday Lyngdoh ha ka minit wa 68 katwa ya ka Youngstar Ummulong da thap da u Riwanki Lamare ha ka minit wa 25.

Ka yalehke wa ar leh da kut ko da 1-1 hapyrdi ka Niriang waka Tympang Wahiajer heiwa ya ka Niriang da thap kool da u Ajay Kharmylliem ha ka minit wa 16 katwa ya ka Tympang Wahiajer da thap da u Dame Lakiang ha ka minit wa 68.

Ha ka yalehke wa le, ka Iaikyntu Ionglwit da jop ko ya ka Moobakhon da 2-0 da ki kool wa thap da u Wandame Nongkrem ha ka minit wa 8 wa u Nidaphang Paphiah ha ka minit wa 23.

Related posts

Pynskem ka Lajong ya ka Contract ki 8 ngut kiwa yalehke | Ar ngut kiwa da yut cha kiwi ki ISL Team

July 6, 2026

Pyndam ka FIFA ya ka Red Card uwa yaleh ka USA | Daw yoh u yalehke Quarter Final

July 5, 2026