I kyrriah kreh ya ki sahep nawi chawi toh wow pynmyntoi ya ki: Sniawbhalang Dhar

Kam chibynta i lehkmen ka MBOSE yei dap 50 snem namo ka Golden Jubilee, u Symbood Montri Rangbah ka jylla, u Sniawbhalang Dhar da emlang u kam u kongsan hei emlang u Montri ka chnat Puræ Puthi u Rakkam A Sangma kam u symbood kongsan wa uwa e buit ka chnat u HM Shangpliang, wa kiwi kiwi kawa da pynman ynnin ha Green Haven, New Tura.

U Sniawbhalang hawa e yei klam da ong u wa dap u dei kmen wow embynta ha i dap 50 snem ka Meghalaya Board of School Education (MBOSE), kawa da wanrah yei kylla har rukom ha i wow pynwandur ya ka jylla kamwa man ko katni deiwa e khublei leh ya ki sahep wa kiwa kreh ka MBOSE deiwa ong leh wa man ko kam kawi na ki Board wa miat dooh hapoh ka ri.

Da ong u wa ha ki sanphaw snem wa da lai luti ka MBOSE da emkaam leh wow pynkylla ya i rukom e sikai ha ki skur ka jylla neibhah ki sanphaw snem da yoo wa mih ki khynnah wa proh jabieñ na ki skur kiwa kreh chitom kiwa sikai.  

U Sniawbhalang da ong u leh wa ki 50 snem wa da lai emkaam leh wow bood ya i kylla katkam ka juk wa katni khnang wow myntoi ka imlang sahlang.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Da kyntu u ya ki sahep wa kiwa kreh ka MBOSE wow pyrkhat ya ki thong krehkaam yong ka kamjooh ki luti wow krehkaam ko wow pyndap yeiwa dang emkaam chooh khnang wow pynjanai ya i puræ puthi.

Heiyatoh wa ka National Education Policy 2020, da ngaitskem u wa ka MBOSE u kreh ko ha i rukom wow pyrkhat jngai kammon wow pynmiat ya i rukom man ki khynnah khnang wow ye ki u e yeiwa em sap ki cha ka jylla. 

U Sniawbhalang da ong u leh wa i kyrriah kreh ya ki sahep na Khasi, Jaiñtia wa Garo cha kylleiñ ka jylla toh wow pnah ki ha ki kaam yong ki neibhah jar ki thaw em ki jar-jiar i eh i khor wei kam ki sahep ymtoh u khñium ki tangwa emkaam wow pdiang ki yeini khnang wow myntoi ki wei wow ye ki wow kaap chiliang ya kiwon kiwon ki moochynthut hadien habood. 

Neiliang u Controller of Examinations ka MBOSE, Tura, u T. R. Laloo da khana u ya ki moomær kiwa da poi ka MBOSE nadooh wa sdang ya ka ha u snem 1973 deiwa pynkrehkaam ya ka Meghalaya Board of School Education Act in 1973 yow booh noh da ki kyndon aiñ yow pait ya ki thaw puræ puthi wei da ye wow pynman ya ka nyngkong dooh ka High School Leaving Certificate (HSLC) Examination ha u snem 1973 deiwa em 3797 ngut kiwa yaleh heiwa ka Pass Percentage toh 38.3% katwa ha u snem 2023 ka Pass Percentage da ku ko cha ka 78%.