U President ka Meghalaya Pradesh Congress Committee (MPCC) u Vincent H Pala da ong u wa ka Congress ym thut ko u krehlang wa kiwon kiwon ki seiñ lait na ka Bharatiya Janata Party (BJP).
Ya ini da ong u hawa jubab yeiwa ka Congress da rai ko wow kyrchan ya ka Executive Committee (EC) ha Khasi Hills Autonomous District Council (KHADC) wa yahkhmat da ka National People’s Party (NPP) hanlada kam wa man ko ka Team-B yong ka BJP.
U Vincent da ong u wa hawa pyrkhat wa ki District Council toh ki wow yada ya ka riti ka dustur, i mantre ki jaitbru ri-loom wa i khyndaw u chyiap, wei ki ADC yaphær i kaamram waka sorkar jylla, kamtæ ym eh wow krehlang waka NPP lait noh ka BJP.
Chooh chooh da ong u wa ka BJP thrang bha ko wow pynkylla thymme ya ka Sixth Schedule ka wow krehkaam ha ki 11 tylli ki ADC kiwa em hapoh ka thaaiñ mihsngi ka ri.
Discussion about this post