Hapyrdi i yaphær i sñiaw heiyatoh waka tamasa Cherry Blossom Festival, neiliang ka Synjuk ki Rangbah Shnong ka Ri-Bhoi da pynche ki wa ym em u wit ki ya i thmu ka sorkar wow pynman ya kani ka tamasa ha ka sngi Sunday.
U General Secretary ka synjuk, u PB Sylliang ynne da ong u wa ym em wit ki wow pynman ya kani ka tamasa ha ki tarik wa da booh.
Chooh chooh da pynche u wa ka Dorbar Chnong Lumdaitkhla da e bor ko wow pynman ya kani ka tamasa tangwa ka synjuk da tyrwa ko wow dam u pynman ya kani ka tamasa ha ka Sunday neini chakhmat khnang wow lait u ktah yei sñiaw niam ki bru.
Ka synjuk da yachem ko leh wa u Montri ka chnat uiñke suwari, u Paul Lyngdoh ynne wow kyrchaan ya ki tarik wa da booh neibynta kani ka tamasa Cherry Blossom.
Kam wow kdaw heini ka tamasa Cherry Blossom Festival 2023 u man ko ha ka 17 hadooh ka 19 tarik u Khonchonglad (Nov) ha Lumdaitkhla, Bhoirymbong, Ri-Bhoi District wei neidaw ka 19 tarik da haap ko ha ka sngi Sunday da mih i pyrchah na ki kattu katni ki seiñ kiwa da e daw wa ka sngi Sunday toh kawa kyntang yong ki Christan wa boon hapoh ka jylla Meghalaya.
Discussion about this post