Yoh kem ki pulit ka East Jaiñtia ya uwa khayi drugs uwa sah ha Them Iewduh

Ki pulit ka East Jaiñtia Hills ynne i step heipor kamwa 4:15 hadien wa da tip tikna ki wa uwi uwa khayi drugs wa tip kam u Sanju Singh u wan u na Silchar cha Shillong ha ka Bus Night Super wa em Number AR-20-9990 wei da rah u ya ki mar wa man pyrchah aiñ.

Neiliang ki pulit da booh thaw pynsangeh kari ki ha Ladrymbai Datsimpein, hajan ka Hill View Hotel and Restaurant wei heipor kamwa 5:00 waje i step da ksoh ya kani ka Bus.

Hawa kynreh ya ka Bus wa ya uni u bru da chem ya ar tylli ki muna (Backpack) kawi ka rong suiñ bneiñ wa kawi ka muna rong yong heiwa da chem ya le tylli ki yusong rong ktieh na ka muna rong yong.

Manda wai ya kini ki yusong da chem sa 149 tylli song ki yusop (Sachet) wa em ya ki kuli (Tablet) rong umsoh/rong Pink wei manda sylli (Test) da chem wa toh ki dawai Amphetamine kiwa khia 2.771 Kg.

Related posts

Kem ki BSF 5 Ton u rasun wa 40 tylli ki masi wa chongdor Rs. 15 lak

November 14, 2024

Chah kem uwa kylliang ya u QR Code ka Petrol Pump yow lai ka poisa cha oo

November 11, 2024

Ya ini da leh katkam ka aiñ NDPS Act wei uni u Sanju Singh toh uwa 38 snem uwa sah ha Harijan Colony, Them Iewduh-A, Shillong, East Khasi Hills District.

Na uni da kem leh ya kawi ka Samsung Mobile Phone.

Ya ini i kaam da Register da ka Case ha Khliehriat PS Case No. 84(11)2023 wei da pynngat ya u Sanju hapoh ka kyndon 22(c)/29 ka aiñ NDPS Act wei i takit dang lai i chaphrang yow chem ya kiwi kiwa emkti.