Jowai : Ka Kiang Nangbah Government College Students’ Union (KNGCSU) ynne ka sngi da lai yachem ki wa u Director of Higher and Technical Education (DHTE), Meghalaya, Shillong hei yatoh wa pynslem ka sorkar wow thung Principal wa pura ha ka Kiang Nangbah Government College, Jowai.
Ka Principal wa rim ka kong J.M.Q. Lyngdoh nadooh ka 01 uni u bnai ym em de man ko kam ka Principal wei katni da em da u Acting Principal u S. Choudary.
Ka KNGSU ha ka dorkhat wa booh ha khmat u DHTE da ong ki wa neidaw wym em Principal wa pura da sahteiñ ki kaam hapoh ka College kam ki study tour hadooh ka College Week.
Da pynkynmoo leh ya u DHTE wa da boon snem wa ka College ym em Vice Principal ko.
Da kyntu leh wow leh smat yeini hapoh chi tayaw, lada ym ye, ka KNGSU daw sdang ko da ka yakhih paidbah yow yoh yeiwa dawa ka seiñ.
Discussion about this post