Ka Super League ka Saipung Block Sports Association (SBSA) da poi ko cha ka sngi wa ynñiaw ynne deiwa pynman ar tylli ki yalehke.
Ha ka yalehke wa nyngkong, ka Narwan SC da jop ko yaka Mynthning SC da 3-0 da ki kool wa thap u Heimonmi Dkhar haka minit wa 10, u Arhawni Shadap haka minit wa 28 wa u Brave Shadap haka minit wa 69.
ADVERTISEMENT
Ka yalehke wa ar da kut ko da 1-1 hapyrdi ka Jalaphet Bri Sumer SC waka Mulait United FC.
Ka Jalaphet Bri Sumer da thap nynkong ko haka minit wa 27 lyngba u Plidar Dkhar tangwa ka Mulait da su kylliang ko haka minit wa 39 lyngba u Jef Surong.
Ki yalehke wa bood u pteiñ ki mynstep hapyrdi ka Lamyrsiang SCC waka Latyrke SC heipor 11:30 i step wei daw pynbood da ka Shnongrim SC waka Tluh SC heipor 1:30 i sngi.
Discussion about this post