Ka 5th Evening Super-4 Football Tournament 2023 wa pynman da ka Sports & Youth Affairs Committee ka Chutwakhu Social Welfare Durbar, Jowai da pteiñ ya ka ynne i miet da ar tylli ki yalehke ha madan Basketball wa em ha madan Jrisaleiñ.
Ha ka yalehke wa nyngkong, ka Enjoy FC da jop ko yaka Progressive 7 da 5-1.
Ya ka Enjoy da thap kool da u Eddi Kevin Dkhar haka minit wa 22, u Da-e Salan Nongpluh haka minit wa 24, 38 wa 50 wa u Jonathan Bareh haka minit wa 40 katwa yaka Progressive da thap da u Wanbiang Passah haka minit wa 4.
Ha ka yalehke wa ar, ka Raises United da jop ko yaka Iong I United da 4-1.
Yaka Raises United da thap kool da u Lewanki Dkhar haka minit wa 27, u Daper Challam haka minit wa 40 wa 44 wa u Ohichess Siangshai haka minit wa 49 katwa yaka Iong I United da thap da u Heiman Rymbai haka minit wa 12.
Ka yalehke mynstep u pynman hapyrdi ka Panard PC FC waka Myntdu Pynthorneiñ FC heipor 6:00 waje i miet.
Discussion about this post