U wanrah Policy ka sorkar wa ki Doctor ymtoh u kyntait ki wow lai kreh cha ki thaw wa jngai

Ka Montri wa pait ya ka chnat i chait i khiah ha ka jylla, ka Dr. M. Ampareen Lyngdoh da pyntip ko wa emkaam bha hapoh ka chnat i chait i khiah wow pynbiang ya kiwa kreh kiwa biang neibah kamwa man katni duna bha kiwa kreh hapoh ki Hospital sorkar wa kynthup nadooh ki Nurse, ki Paramedical, ki Doctor Specialist wa kiwi ki Doctor wow sumaar ya kiwa kjut.

Ynne ka sngi ha ka yalang wa u Montri Rangbah ka jylla, u Conrad K Sangma wa da emlang ka Montri wei da chong yaklam deiwa pynchong yurim bha ya i rukom krehkaam yong ki Civil Hospital kiwa em ha ka jylla wei kamjooh ki Hospital kiwa em ha waroh ki District, wei ha kani ka yalang da yaklam neibynta wow pynbha pynbiang yeiwa emkaam wa jhan ha ki thaw sumaar.

Hawa klam wa kiwa thoh khubor, ka Dr. Ampareen da khana ko wa da pyntip ha u Montri Rangbah yeiwa emkaam jhan ha ki thaw sumaar kiwa da toh u pynbiang ya kiwa kreh wa stat wei da khana ko leh wa ha ki kajiak sngi wow wan daw yaklam ya kani ka phang wa u Montri Rangbah neibynta wow pyrkhat chooh chooh yeiwa emkaam wei khamtam yow thooh ya ka laad yarap poisa yow pynbha ya i rukom krehkaam ki thaw sumaar.

Da khana ko wa sorkar daw chim ko kamwa 24-36 bnai yow bichaar bniah yei long i man wei wow pynbha hawa yatoh wa i krehkaam ha i chait i khiah.

Related posts

Lada ka sorkar sñiaw ko wa emkaam palat ko wow wanrah luti rel ye ko wow lai chakhmat: Ardent

May 12, 2025

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Chooh chooh da ong ko wa emkaam wow e chooh chooh yei su najrong ka tulop ya kiwa kreh hei chait i khiah, khamtam ya kitu kiwa hap wow kreh cha ki thaw wa jngai na sor, neibhah kamwa man katni boon ki wym kwah u lai kreh cha palatsor wei ka sorkar daw wanrah ko ya ki Policy wa kitu kiwa kreh ha ka chnat i chait i khiah hap ki wow kreh cha kiwon kiwon ki thaw hanla man cha ki thaw wa jngai wa kiwa eh.