Evening Super-4: Jop ka Dongmihsngi Junior waka Mixed United

Ka 5^th Evening Super-4 Football Tournament 2023 wa pynman da ka Sports & Youth Affairs Committee ka Chutwakhu Social Welfare Durbar, Jowai da pteiñ ya ka ynne i miet deiwa pteiñ ya ki yalehke ka Second Round ha madan Basketball wa em ha madan Jrisaleiñ.

Ha ka yalehke wa nyngkong, ka Dongmihsngi Junior da jop ko yaka Mercury FC da 4-1.

Ya ka Dongmihsngi Junior da thap kool da u Dawan Monmi Mynsong haka minit wa 7, u Ewanmi Da Oo Langstang haka minit wa 14, u Samha O Ksoo haka minit wa 19 wa u Franky Laloo hakak minit wa 31 katwa yaka Mercury FC da thap kool da u Hamekilad Nikhla haka minit wa 24.

Related posts

MSL 5: Ym ye ka Mawlai wow pynrem ya ka Laskein

April 28, 2026

Deiwa wan pyndait smat ya u Transformer yoh u wai ya ka Indoor Cricket Academy wa nyngkong dooh ka Meghalaya

April 28, 2026

Ha ka yalehke wa ar, ka Mixed United da jop ko yaka We United da 16-0 da ki kool wa thap u Allan Donald Pasleiñ haka minit wa 2, u Dowell Shylla haka minit wa 3, 4, 26, 35 (Penalty), 47, 48 wa 49, u Longshisha haka minit wa 22, 23 wa 39, u Da E Kyrpang Pyrngap haka minit wa 25, 41, 45 wa 46 wa u Kenite Bareh haka minit wa 50.

Ka yalehke mynstep u pynman kawi donhi hapyrdi ka Roland FC waka Iong I Junior heipor 6:00 waje i miet.