63 Billion Cubic Litre ka um slap yoh chi snem tangwa kawa ye u pynlang toh du 1 Billion Cubic Litre

U Montri Rangbah ka Meghalaya, u Conrad K. Sangma ynne da ong u wa ka jylla yoh um slap ko 63 Billion Cubic Litre chi snem iwa boon bha tangwa da ye wow pynlang du 1 Billion Cubic Litre donhi.

“Kawa boon na kani ka um slap da tooid ko cha Bangladesh,” da ong u Conrad hawa wai paidbah ya ka Meghalaya Water Smart Kid Campaign kawa da sdang hapoh ka Jal Jeevan Mission (JJM) yow pynsñiawthooh ha ki khynnah yei emkaam wow pynneh pynsah yaka um.

Da kdaw u leh yei emkaam wow yada wei wow pynneh pynsah yaka um wei ka sorkar jylla da pyrchang ko ya iwa boon lyngba ki Externally Aided Projects (EAPs) wa napoh ka Ministry of Jal Shakti ka sorkar India.

Da pyntip u leh wa da pynchna 1000 tylli ki thaw pynlang um ha kylleiñ ka jylla ya ka um wa em ha sla khyndaw wei neibynta kawa em chapoh khyndaw da sdang ya ki kaam wow pynim yei khyndaw.

Related posts

Deiwa khut ka ISI lai u Gaurav Gogoi cha Pakistan: Himanta

May 18, 2025

Kyrpaad u Himanta wym toh u emlang u MP ka Assam uwa jooh lai cha Pakistan ha ka All Party Delegation

May 17, 2025

Da ong u leh wa ka chnat Public Health Engineering (PHE) da yoh poisa ko naka JJM wa ki EAP kawa da kynjoh Rs. 8000 klur. “Em i ka thong hakhmat wei u kreh khlem sangeh yow pynpoi umkor cha waroh ki manyung wa em hapoh ka jylla.”  

Da pynkynmoo u leh wa ka jylla da yoh khusnaam ko kam kawa lehbha dooh wow pynkrehkaam ya ka JJM heiwa da yei wow pynpoi umkor cha ki 4 lak tylli ki manyung wei kat ha u Wisu (Mar) 2024 ka thong won toh yow pynpoi umkor cha 6 lak tylli ki manyung.

“Ha u snem 2019 da chah beiñ ka sorkar ha ki laad pathai khubor yei wym biang i rukom pynkreh yaka JJM wei hadien ini da ye wow pynku naka 45,000 tylli ki manyung cha palat 4 lak tylli kiwa yoh umkor”, da ong u Conrad deiwa khana leh wa em boon i eh hawa siang ya ki Pipe, u jied ya ki thaw taan um wa ki thaw yow chna ya ki thaw pynlang um.

Neiliang u Montri ka chnat PHE, u Marcuise Marak da saam u ya ki khusnaam cha kiwa yada ya ki um namo ki Water Guardian heiwa yeini da yoh ka chnong Lumshyiap waka Water Sanitation Community ka Ri-Bhoi District, ka chnong Darechikgre waka Water Sanitation Community ka West Garo Hills District, ka chnong Dura Kantragre waka Water Sanitation Community ka West Garo Hills District.