Wa booh sngi niaw Vote da ka Sunday chah thngan uwi ha Mizoram

Uwi u bru wa tip kam u Lalbiakthanga uwa na Mizoram uwa tip leh kam u (Walkathon Man) da chong chah thngan u ha Aizawl yow dawa kyrriah ya ka sngi niaw Vote neibynta ka Election MLA kawa da booh da ka Election Commission of India (ECI) wow pynman da ka sngi Sunday.

u Lalbiakthanga toh uwa da em 65 snem i rta wei da pynman u yeini i chah thngan nadooh ka 7 tarik ha ka yurim wa ka sngi Sunday man ko kawa kyntang ya ki Christan.

Ha Mizoram ka Election neibynta waroh ki 40 tylli ki Constituency da pynman ya ka sngi thap Vote ha ka 7 tarik uni u bnai katwa ka sngi niaw Vote won toh ha ka 03-12-23 kawa man leh ka sngi Sunday.

Kani ka chah thngan da sdang ko nadooh ka 7:00 waje i step hadooh ka 4:00 waje i janmiet ka sngi thap Vote donhi.

Related posts

Dam noh ka NPP wow kyrchaan ya ka sorkar ka Manipur wa yahkhmat da ka BJP

November 17, 2024

Wa thung ka BJP da ki bru yong hi tæ mih i kynrum kynram ha NEHU: Ronnie

November 15, 2024

Da ong u wa kwah bha u thap Vote tangwa neidaw wym ap ka ECI yei dawa wow kylla tarik ym yohsa u wow leh yeini.

Ki seiñ saiñhima kam ka Mizo National Front (MNF), ka BJP Mizoram neitæ ki Balang wa ki seiñ kiwa lai puræ da thoh ki cha u Chief Election Commissioner ka Election Commission of India (ECI) yow dawa kyrriah ya ka sngi niaw Vote Election MLA hapoh ka jylla Mizoram.

Neiliang u Lalbiakthanga leh da thoh u cha ka ECI ha u 25 tarik u Naichiphaw yow kyrriah tarik cha kawon kawon ka sngi lait noh naka Saturday wa Sunday.

U Lalbiakthanga da yoh u yei naam Walkathon Man neidaw wa lai u dei kjat bait 10 sngi ini wa dep na Aizawl cha Churachandpur, Manipur iwa jngai 300 Km ha u Naisan yow pyrchang wow wanrah yei yasuk ha kini ki thaw wa mih kynaad.

Ynnin u snem da lai kjat u 1,212 Km ha ki 40 sngi yow lai cha ki 118 tylli ki chnong wa em ha 11 tylli ki District ka Mizoram yow pynsñiawthooh chaphang i dap 75 snem i yoh laitlooid ka India.

Ha u snem 2021 da lai kjat u palat 200 Km na Aizawl cha Zokhawthar i chnong wa em ha khappood waka Myanmar yow pynyoo yei kyrchaan ya ki bru wa chah thombor ha ki chipai ka Myanmar kiwa da yut chapoh Mizoram.

Ha u snem 1997 da lai kjat u cha 50 tylli ki chnong yow pynman yei pynsñiawthooh paidbah hajrong ka bei rym-aw kamjooh yow yada ya ki mrad khloo.