Kam chibynta i yakhih yong ki ASHA ha kylleiñ ka jylla iwa sdang nadooh ka 6 tarik uni u bnai deiwa dam u lai kreh, ynne ka sngi i yakhih da pteiñ i sa cha East Jaiñtia Hills District.
Hapoh ka District yei yakhih da pynman da ka East Jaiñtia ASHA Association hapoh ka Meghalaya ASHA Union deiwa ya lai paidbah wow dawa na ka sorkar wow pynku ya ka nongsngi ki kawa Rs. 2000 chi bnai iwa man du Rs. 66 chi sngi.
Ya kani ka lai paidbah da pynman deiwa sdang na Stand Byndihati deiwa lai na yung krehkaam u DC, na DM&HO wei da pynkut hajan ka SBI Khliehriat.
Ka Pretty Jyrwa kawa man ka President ka seiñ ki ASHA ka Khliehriat Unit da kylli ko na ka Montri i chait i khiah, ka Dr. Ampareen Lyngdoh kawa ong wa ki ASHA yoh ki Rs. 5000 kamtæ cheiwon em ka Rs. 3000 neibhah ki AHSA yoh ki du Rs. 2000 naka sorkar.
Da ong ko leh wa em ki ASHA kiwa khian khon wei da hap ki wow bah ya ki khon wot hawa lai cha thaw kreh man-ka-sngi neidaw wa duna i su ka sorkar tæ ymyoh poisa wow su ya kiwa pait khon.
Chooh chooh da ong ko wa ka Dr. Ampareen kam ko wa yoh ki chiboon ki myntoi namo ki Incentive hadooh Rs. 8000 tangwa katwon ngut kiwa em wa yoh hadooh kattæ.
Discussion about this post