Ka Chithi kawa man ka phlim wa thymme kawa da pynmih na Ri-loom Jaiñtia kawa dep pynyoo pyrthai nyngkong dooh ha 1st Meghalaya International Film Festival 2023 wei da chah jied leh wow pynyoo yow wai yaka Kelvin Cinema Festivals ha uni u bnai, kattu u lai pynyoo paidbah ka deiwa sdang chwa na Jowai .
Ya kani ka phlim da thoh wei da pynwandur da ka Simi Khongtiang kawa da pynmih leh ya kiwi ki phlim wa pawnaam kam ka Datheh Lut.
Ka Chithi toh ka phlim chaphang ka khynnah wa dang 14 snem kawa im waka beipun wa u papun ko tangwa em ko chiboon wa kwah ko u tip chaphang yong ka hi tangwa ym em wa bien u khana yaka kamtæ da chem ko ya kawi ka chithi kawa ye u e jubab yeiwa kwah ko u tip tangwa i lai luti ko ye i u wanrah chooh chiboon ki yukylli bar yeiwa pynsñiawthooh ya ka.
Ya kani ka phlim u sdang pynyoo ha Yungwalieh Panaliar nadooh ka 1 tarik hadooh ka 6 tarik u Kmaichonglad (Dec), 2023 heipor 2:00 waje i sngi, 4:00 waje noh chariñ ka sngi, 6:00 waje i janmiet wa 8:00 waje i miet.
Nadooh ka 8 tarik hadooh ka 23 tarik u Kmaichonglad (Dec), 2023 u pynyoo ha District Library Auditorium, Mynthong Jowai heipor 2:00 waje i sngi, 4:00 waje noh chariñ ka sngi, 6:00 waje i janmiet wa 8:00 waje i miet.
Ha kani ka phlim da ak da ka Ekratia Khongtiang, ka Asunta Papang deilang wa u Petros RK Rymbai, ka Some Mary Dkhar, u Elizer Bareh, u Goldenstar Suchiang, u Korbarlang Syiemlieh, u Synranki Najiar, u Mathew Wanswett, u Sanjay Pradhan wa kiwi de.
Kani ka phlim toh kawa da sdang wow riñ nadooh u 2019 tangwa neidaw wa wan ka khlam Covid da pynslem u pyndep ka.
Discussion about this post