Ka Super Division ka West Jaiñtia Hills District Sport Association (WJDSA) kawa tip leh kam ka ‘U Kiang Nangbah Memorial Trophy 2023’ da poi ko cha ka sngi wa arphaw-ar ynne deiwa pynman ka wi ka yalehke.
Ka yalehke wa da pynman toh hapyrdi ka Sailung Ialong waka Khimusniang heiwa ka Sailung da jop suk ko da 4-0.
Ya kini ki kool da thap da u Arwan Rymbai haka minit wa 15, u Masan War haka minit wa 24, u Saniroi Suchiang haka minit wa 40 wa u George Fredrick Lhuid haka minit wa 89.
Ka Sailung Ialong kattu da jop ko la 5 sien wei da rem ko chisien katwa ka Khimusniang da rem ko 4 sien wei da ya Drawn ar sien.
Ka yalehke wa bood u pynman mynstep hapyrdi ka Mukhla Raij SC waka Ladthadlaboh heipor 1:30 i sngi.
Discussion about this post