Ka Super Division ka East Jaiñtia Hills District Football Association (EJHDFA) kawa tip leh kam ka 3rd Kyrmen Shylla Contribution Trophy dapoi ko cha ka sngi wa phra ynne da ar tylli ki yalehke.
Ha ka yalehke wa nyngkong, ka Sutnga SSCC da jop ko da 3-1 yaka Dhana SC.
Ya ka Sutnga da thap kool da u Sumarbha Bareh haka minit wa 3 wa u Ioanis Suchen haka minit wa 32 wa 74 katwa yaka Dhana SC da thap da u Pyntip Dkhar haka minit wa 51.
Ha ka yalehke wa ar, ka Rymbai Iawpynsing SC da jop ko da 2-1 yaka Thangskai Tiger SC.
Yaka Rymbai Iawpynsing da thap kool da u Hesmiki Rymbai haka minit wa 27 wa 36 katwa yaka Thangskai da thap da u Wendy Nongtdu haka minit wa 68.
Ka yalehke wa bood u pynman haka 24 tarik hapyrdi ka Moolamanoh SC waka Sutnga SSCC heipor 12:00 waje pyrdi sngi wei daw pynbood da ka Thangskai Tiger SC waka Rymbai Shkenshynriah SC heipor 2:00 waje i sngi.
Discussion about this post