Kam chimbynta yow pteiñ ya iwa da mut da mang ka All Jaiñtia Muster Roll Workers & Labour Union (CEC) Jowai, wow yakhun u pynbait katkam ki aiñ ki kyndon sorkar yow bha yow miat i longbru manbru, i rukom krehkaam, ka rta dam kreh kiwa kreh nongsngi (Muster Roll) wa yow myntoi ki khon yong kiwa kreh wa kiwi kiwi ha ki chnat krehkaam ka sorkar, i jooh ya kiwa kreh mylla sngi ha ki bynta waphær waphær i rukom kamai ja-kpoh.
Neiliang ka All Jaiñtia Muster Roll Workers & Labour Union, khut ko ya uwi pa kawi kiwa kreh nongsngi (Muster Roll) haka chnat PHE (RWS & Electrical) ka sorkar jylla ha Ri-loom Jaiñtia donhi, cha ka dorbar kawa daw man haka 25-11-2023 heipor 10:00 waje i step ha yungwalieh ka Loomiongkjam Dorbar Chnong, Jowai.
Ha kani ka dorbar daw yaklam heiyatoh wa i chngaaiñ i rukom krehkaam, ka poisa nongsngi wa kiwi kiwi ki kaam kiwa ktah ya ka mynried kiwa kreh nongsngi ha chnat PHE wei u thooh laad u pynkhlan yei krehkaam chirup waka sorkar jylla.
Katda kamtæ da kyrpaad ya waroh kiwa kreh nongsngi (Muster Roll) ha PHE wow chimkhia bha ya kani ka Wyrta wa hamdam u wan cha kani ka dorbar neibynta i bha i chngaaiñ yong ki kiwa kreh nongsngi.
I pyntip naka Hunbeitki Dkhar, General Secretary.
Discussion about this post