Soo tylli ki thaw wa bna naam hapoh ka jylla Meghalaya heiyatoh waka niam daw yoh yarap poisa ki yow chna pynmiat hapoh ka PRASAD (Pilgrimage Rejuvenation And Spiritual Augmentation Drive) Scheme wei kini toh ka Nongsawlia Presbyterian Church, Nartiang Shakti Peeth, ka Aitnar waka Charantala Kali Temple.
Hapoh kani ka PRASHAD Scheme, ka Ministry of Tourism da booh bhah ko 8 tylli ki kreh ha ka mang poisa wa Rs. 256.45 klur yow pynchna ya ki thaw pynman niam wa em hapoh ki jylla ka North East.
Ka Nartiang Durga Temple toh kawa da ngait wa da em la 500 snem kawa man kam kawi na ki Shakti Peeth. Ka Nongsawlia Presbyterian Church toh kawa da chna ha u snem 1846 da u Thomas Jones wei da man ko kawi na ki yungmane wa rim dooh hapoh ka North East India. Ka Aitnar toh ka thaw wa kyntang kawa pyndep yaka lehniam Behdieñkhlam ki Pnar. Ka Charantala Temple wa em ha West Garo Hills toh ka thaw mane wa emkaam bha ki jaitbru Hajong wa ki Koch kawa da wan wow mane leh da kiwa na baar.
Ka sorkar India da sdang ko ya kani ka PRASAD Scheme ha u snem 2014-2015 hapoh ka Ministry of Tourism wei da pynemkaam yow jied ya ki thaw leh niam yow pynchna pynmiat ki yow man ki leh kam ki thaw wa taan ya kiwa uiñke suwari.
Discussion about this post