Chah kem kiwa thmu wow chalan tooh yei chini cha Bangladesh lyngba ka chnong Hingaria

Ha ka 2 tarik uni u bnai, ki chipai ka BSF Meghalaya da yoh ki wow kem ya ki arngut ki nong India deilang wa ar tylli ki kari Mahindra Bolero Pick-up kiwa kit chini hajan ka yingkieñ Hangaria ha u sarok Hingaria-Huroi, East Jaintia Hills.

Kini ki kari toh kiwa pynyieñ kamwa 1 Km na ka yingkieñ Hingaria wei ki BSF heipor wa dang lai sonteri ki, da yoo ki ya kini ki kari wa em Number ML-04D-2343 wa ML-04D-6828.

Kini kiwa yah kari hadien wa yoo ki ya ki BSF da yut ki deiwa pyrchang wow chim kabu yei miet tangwa da yoh wow kem ya ki.

Related posts

6 bnai phah kset ka yung bichaar ya uwa kdoh ya uwi u bru hapoh khloo deiwa dat wei pynchitom oo nei miet hei step

December 16, 2025

Chah tooh kawi ka Scooty wa pynyieñ ha lait ka Woodland WK Hospital

December 12, 2025

Hadien wa takit ya ki, da phla ki wa ini i chini toh iwa da thmu ki wow chalan tooh cha Bangladesh wei kini mar toh ki yong ki bru kiwa na Hingaria katwa ki tre kari toh na kiwi won ki chnong ka War Jaiñtia.

Ini i chini toh iwa chongdor Rs. 15 lak wei da kem noh ya ki deilang wa kini ki arngut kiwa yah.