I rukom pynyieñ kari haka sngi pynkyntang Lyngdoh Sohblai ya ki le ngut ki Deacon ha Good Shepherd Parish Ladrymbai

Ka Good Shepherd Parish Ladrymbai, da khot da wer ko ya waroh cha ka pynkyntang Lyngdoh Sohblai ya u Dn. Shemphang Dkhar SDB, u Dn. Ricky Dkhar CMF wa u Dn. Shiningstar Dkhar SDB, kawa daw pynman haka 17 tarik uni u bnai ha Madan Parish Ladrymbai, heipor 10:00 waje i step.

Yei pynkyntang daw leh da u Most Rev. Victor Lyngdoh DD, Archbishop ka Jylla Niam Bah Shillong, ryngkat i emlang Most Rev. Ferdinand Dkhar DD, Bishop ka Jylla Niam Jowai, ryngkat ki Lyngdoh Sohblai yong ka Diocese Jowai wa ki Lyngdoh Niam na kiwi ki thaw ruh.

U Most Rev. Ferdinand Dkhar, Bishop ka Jylla Niam Jowai daw man u kam u kongsan haka riti pynkyntang Lyngdoh Sohblai ha katai ka sngi deiwa synranlang ki Lyngdoh Sohblai yong ka Diocese Jowai.

Kam wow pynkynmoo wa u Dn. Shemphang Dkhar SDB wa u Dn. Shiningstar Dkhar SDB toh kiwa na ka Balang Chnong Iongkaluh katwa u Dn. Ricky Dkhar toh uwa naka Balang Chnong Moolamanoh.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

I pynbait neibynta ka Parking ya ki kari wa wan neibynta ka Mass Pynkyntang Lyngdoh man ko kamni:

Ya kiwa wan na Parish Umkiang, Lumshnong, Khliehriat, Sutnga, Jalaphet, Laad Lakadong wa ki Balang Chnong yong ka Parish Ladrymbai kiwa wan na wah u booh kari ki kamni ha wah:

PARKING 1: Ha madan yong u Dinush Siangshai (hap psiah na sarok chwa u poi Fire Brigade, Ladrymbai).

PARKING 2: Ha u loom ka Joblymon Dkhar (ka sarok chwa u poi Fire Brigade).

PARKING 3: Hakhmat Friend’s Hotel (Dosti Hotel), Hill View Hotel, Green Valley Hotel.

PARKING 4: Hapoh Petrol Pump wa em mar pyrchah ka Dosti Hotel.

PARKING 5: Ha madan wa em marpyrchah ka laad wow ku cha Parish Ladrymbai.

Ya kiwa wan na Parish Sahsniang, Mowkyndeng, Barato, Namdong, Mynsngat, Ummulong, Iongshiwiat, Amlarem, Jowai, Nangbah, Mooksiang wa waroh kiwa ya wan na Shillong Archdiocese, Nongstoin Diocese wa ki Balang Chnong yong ka Parish Ladrymbai kiwa wan na sarok Jowai u booh ya ki kari yong ki kamni ha wah:

PARKING 6: Ha Madan Kharkhana Ah Dieñ warim chwa u poi ka laad wow ku cha Parish Ladrymbai.

PARKING 7: Ha madan wa em mar pyrchah ka Coke Factory, lyngba ka laad bah wow ku cha ka chnong Jalyiah.

PARKING 8: Ha Petrol Pump Laad Jalyiah.

Ha waroh ki thaw booh kari daw em ki Volunteer wow pynyoo luti. Kamtæ da kyrpaad ya waroh ki kari wa wan yaseiñ wow kdoh ki da ki lama rong lieh yow pynsuk ya ki Volunteer wow pynlai kari.