Uwa yahkhmat ka liang pyrchah ha KHADC uwa man leh u CEM warim, u Titosstarwell Chyne da ong wa lada pynbait thymme næ phiah thymme ya ki Constituency ymtoh wow ktah næ pynslem yaka Election neibhah katkam i rukom krehkaam i pynbait thymme toh u krehkaam ko ha kawi won ka samoi Election.
U Titos nadooh wa sdang da pynsñiaw u wa ka Delimitation Committee wa da thung yow pynbait thymme ya ki MDC Constituency toh u pyndep heipor wa da booh wei ymtoh u ktah ya ka Election MDC.
Hawa klam ynne ka sngi, da ong u wa han lada em i phiah thymme ya ki Constituency lada wanrah yaka Amendment yong ka Sixth Schedule leh, hap pait won katkam ki rukom krehkaam kammon wow lai neibhah ka Election toh ha u bnai wa ar yong u snem wow wan. Da ong chooh chooh wa katkam i lai ki por wa da dep khamtam hawa pynbait thymme ya ki MLA Constituency, ym jooh pynkrehkaam ha u jooh u snem tangwa da pynkrehkaam ha kawi won ka aiom Election.
Hawa kylli, neiliang u Titos da ong u wa kam ka liang pyrchah ha KHADC, da rai wow thoh cha u Lat kamjooh cha ka chnat District Council Affairs ka jylla, tangwa da ong u wa ya kattæ daw rah u wow yaklam chwa hapoh ka dorbar jong ka KHADC kawa daw pynman ha uni u bnai.
Discussion about this post