Kiwa yahkhmat ka Harijan Panchayat Committee (HPC) ka Them Iewmawlong ryngkat kiwa yahkhmat ka Delhi Sikh Gurudwara Management Committee, hadien ka yalang waka sorkar da pynsñiaw ki wa hanla em ki phang kiwa ka sorkar jylla da pdiang ko ya iwa da pynsñiaw ki, tangwa dang em leh kiwa daw bichaar ko ha kini ki sngi.
Hawa klam hadien ka yalang, u Jagdip Singh uwa man u President ka Delhi Gurudwara, da ong u wa em ki phang ki wym pu ye u chim yei rai, wei kiwa daw yaklam biang ha ka yalang kawa daw man ha u bnai wa nyngong u snem thymme.
Heijooh i por da ong u wa ki phang wa da rai wa da yaklam ympu ye wow khana ya katni tangwa da pdiang u toh kiwa mihsoh.
Neiliang u Secretary ka Harijan Panchayat Committee, u Gurjit Singh da ong u wa daw yaklam wei ya phyllu wa kiwa chong chnong waroh ya ini iwa yaklam waka sorkar. Hawa kylli da ong u wa da kyrmen wa ini i kaam yow ye u pyndep noh hapoh u snem 2024.
Discussion about this post