Hadien wa kynrandien noh u Dr. DRL Nonglait wow yakhun yaka Election MP naka United Democratic Party (UDP), ka dwar da wai ko warr ya uwa yahkhmat warim ka HYC, u Robertjune Kharjahrin uwa man katni kam uwa hakhmat wow yoh ya ka Ticket.
Hanla nachwa da mih boon tylli ki pyrtuid kiwa da bna napyrdi kiwa paan Ticket naka UDP yow yaleh MP ha u snem wow wan, tangwa katkam ka tyllong khubor wa da yoh, da khana wa i pyrtuid wa da mih bha katni toh i yong u Robertjune.
Ini da jia i leh hadien wa u MLA warim ka Mawlai uwa man leh u Vice President ka UDP ym em de kwah u wow yakhun ya kani ka Ticket yow yaleh Election MP.
Ka khubor da ong ko leh wa kiwa yahkhmat ka UDP da mynjur ki wow e Ticket cha u Robert, tangwa dang yang yei rai yong ka HSPDP kawa da emlang haka synrop Regional Democratic Alliance (RDA), wei da bna leh wa haka tayaaw wow wan daw em i yachem yong ki ar seiñ ha ka RDA wei hadien itæ daw pynbna syndon ya u kyrtong.
Puræ leh: Smat ka HSPDP wow kreh ha ka RDA neibynta ka Election MP wa MDC
Discussion about this post