Yoh kem ki pulit ya kiwa pynskit kari wei tyrrah ha Laitumkhrah

Related posts

Chah tooh 6 tylli ki masi na Lumshyrmit | Paan yarap ki tre

October 16, 2026

Heipor sngi chah tooh ka Scooty ha Jowai

October 15, 2026

Heiyatoh wa iwa jia haka 1 tarik uni u bnai hei miet synyaaw heiwa da em kawi ka kari Maruti 800 rong lieh ka wym em Number kawa da em wa yoh u riñ Video kawa yah kulmar wei iwa yoo maa i rukom pynskit pynkiad yaka kari kawa ood bha ha ki bynta ka Laitumkhrah, Shillong.

Kani ka kari da lai tyrrah ko leh ya ka thaw sikit wa em ha Laitumkhrah Police Point. Kamtæ neiliang ki pulit ka Laitumkhrah Police Station da ujor hi ki pyn da ki hapoh ka Section 279 ka IPC wa kiwi de ki kyndon ka Motor Vehicle Act.

Hadien wa da yoo ya ini i Video neiliang ka Laitumkhrah Dorbar Shnong Pyllun leh da ujor FIR ko ha Laitumkhrah Police Station wei da kynthup lang ya kani deilang wa ka FIR wa da e da ki pulit hi.

Hadien wa takit ki pulit hei yahkhmat u OC ka Laitumkhrah, da chem ya kani ka kari ha kawi ka karkhana wa em ha Laitkor Kyntonmon.

Heiyatoh wa ini, da kem ya 3 ngut ki bru kiwa da phla wa da leh ki ya ini i kaam wa da booh hei maa ya kiwi hadien wa da dep dih kiad ki.

Kani ka kari toh kawa em Number ML05 U 4845.

Ya waroh kini ki 3 ngut da rah cha Laitumkhrah Police Station yow takit ya ki wei wow pynchitom katkam ka aiñ.

Neiliang ki pulit da kyntu ki ya ki khynroo wym toh u myllien ki yeini i rukom yah kari kulmar neibhah da booh ki ya idæ hei maa kamjooh leh kitu kiwa em cha luti syngkieñ. Da kyntu leh ya ki paidbah wa lada em kiwa yoo ya kam ini wow Phone ki hei Number 112.